【首爾美食】北村手工餃子的水冷麵+煎肉餅

北村手工餃子북촌손만두

-

呢間野係韓國其實分店非常多，都已經算係連鎖，但首爾仁寺洞既呢間始終係總店，所以都要再吃，哈哈。 味道果然不錯呢！ 呢到出名食餃子，其實麵食都好值得試。這次，我就點了水冷麵+煎肉餅떡갈비냉면。

呢到既水冷麵夠曬酸，冷麵又好彈牙，上面雖然有辣醬，但撈勻之後都唔係太辣，反而非常惹味。煎肉餅真係驚喜之作， 好厚身，外層煎得香脆，入面保持肉汁，而家望返都好回味！

-

價錢：7000won
好味指數：❤❤️❤️❤️（5❤為最高）
抵食指數：❤❤️❤️❤（5❤為最高）

－－－

地址：首爾特别市鐘路區仁寺洞街42-5 (서울특별시 종로구 인사동길 42-5)

【首爾美食】Innisfree Jejuhouse@首爾三清洞

Innisfree Jejuhouse@首爾三清洞

-

又要介紹韓國既紫薯甜品啦！innisfree Jejuhouse雖然來自濟州島，但係首爾都有分店。如果去三清洞的話，這間innisfree Jejuhouse必去呀，因為佢既紫薯products太正啦！ 圖中紫薯蛋糕入面有好多新鮮既紫薯蓉， 蛋糕亦非常濕潤，整體好重牛油香，好味道！ 隔離杯紫薯latte亦同樣出色，濃到好似飲緊成杯紫薯蓉咁。紫薯控大滿足💗

-

價錢：紫薯蛋糕6500won ；紫薯latte 6000won
好味指數：❤❤️❤️❤️❤️（5❤為最高）
抵食指數：❤❤️❤️❤（5❤為最高）

－－－

地點：首爾鐘路區三清洞64

營業時間：10:00 ~  22:00

【首爾美食】首爾最好味的炸醬麵＠明洞一品香

一品香炸醬麵@首爾明洞
-

呢間位於明洞既炸醬麵真係好好味，我在首爾食過咁多間最正就係呢間👍🏻

 平時D炸醬麵成日都無咩肉食，得一堆醬mix埋洋蔥再加少少肉， 但呢間真係好多肉碎，好足料！😮 肉醬係鋪滿成個炸醬麵，而且個炸醬既調味岩岩好，唔會過鹹or過甜😊 麵條質感都好Q彈👍🏻 好好食！！

-
價錢：5000won
好味指數：❤❤️❤️❤️❤️（5❤為最高）
抵食指數：❤❤️❤️❤️（5❤為最高）

---

前往方法：首爾特別市中區明洞2街105（地鐵4號線明洞站5號出口）

【首爾美食】又平又抵食又好味既brunch@new york B&C

首爾有又平又抵食又好味既brunch！

呢間位於新村既new york B&C， brunch款式好多～ 分左all day breakfast, pasta, salad, risotto等等類型，每個類型都有超過6款選擇！揀食咩都有排諗！

 第一次去就點左呢份 New York original brunch ❤️ 雖然唔係D咩貴價食材，但平時會有種頹野放埋一堆既感覺，但呢份brunch係我真係覺得好食得黎唔頹既😋 每一樣都唔錯，尤其係個沙律菜同埋麵包！沙律菜新鮮爽脆👍🏻 個麵包軟熟得黎富奶香😍 勁滿足！

平時香港差唔多$100一份brunch，呢到只係大約$60炸！

－－－

價錢：8700won
好味指數：❤❤️❤️❤️（5❤為最高）
抵食指數：❤❤️❤️❤（5❤為最高）

【首爾美食】紫薯控不能錯過的夢幻紫薯甜品＠Cafe Bora 카페보라

Cafe Bora@首爾三清洞
-

三清洞有間好出名既cafe， 專售各種紫薯甜品！紫薯控必到！

呢個紫薯屎屎雪糕超級美味， 紫薯味濃，而且味道夠天然， 仲要難得在韓國可以食到冰感唔重既雪糕，好滑，不過就比較快融！

 -

價錢：3500won
好味指數：❤❤️❤️❤️（5❤為最高）

抵食指數：❤❤️❤️❤（5❤為最高）

 －－－－－－－－－－－－－－－－－－－－－－－－

除左紫薯屎屎雪糕外，店內仲有紫薯雪花冰。

上面顏色鮮豔既係濃郁既紫薯蓉！隻顏色雖然睇落好似好假，但絕對係天然既！ 底下既就係牛奶冰，牛奶冰打得好綿密，入口即融，奶味都頗為突出， 但就略嫌甜左dd，不過都值得一試。

-

價錢：6500won

好味指數：❤❤️❤️（5❤為最高）
抵食指數：❤❤️❤️❤（5❤為最高）

－－－

前往方法：安國站1號出口步行約15分鐘（去到三清洞就好容易見到，唔太難搵，坐位就比較少）
－－－

更多美食介紹可去:

Instagram  Facebook Blogspot  Ublog  BE  She  GetReadyHongKong theZtyle

Email: tung42329@gmail.com

【首爾美食】綠茶專門店＠Osulloc오설록

Osulloc오설록@韓國弘大

-
相信好多人多聽過韓國綠茶專門店O'sulloc ，皆因有一陣子它新出的極濃綠茶牛奶醬瘋魔一時。其實我在韓國都經常食Osulloc, 而且我基本上每次去都會食唔同既野。

某一次係弘大分店就點左一份綠茶卷蛋同埋綠茶O Fredo卷蛋(그린롤케익-그린)..其實之前都食過竹炭果隻，呢款全綠茶，味道好似好d，綠茶味會突出d， 蛋糕都係咁濕潤，入面既cream都係咁滑同奶味濃郁！

至於綠茶O Fredo(녹차 킹오프레도)，入面除左有綠茶雪糕外，仲有綠茶沙冰，紅豆，忌廉，綠茶蛋糕同埋一塊杏仁餅乾。整體味道上比較寡。沙冰既綠茶味比較薄弱，雪糕既綠茶味都突出既，不過同一般韓國雪糕一樣都係冰感稍重。

-

價錢：綠茶O Fredo 8500won 綠茶卷蛋 5000won

好味指數：❤❤️❤️（5❤為最高）

抵食指數：❤❤️❤️❤（5❤為最高）

***

Osulloc在韓國有許多分店呢！首爾，釜山和濟州島都有！經過見到都可以一試！

【首爾美食】鮮甜醬油蟹＠大瓦房큰기와집

大瓦房큰기와집@首爾三清洞
-

去到韓國點可以唔食醬油蟹架😍😘  位於三清洞呢間大瓦房，係首爾好出名食醬油蟹既地方😛 連蔡瀾黎過都讚架😂 雖然價錢較貴，但真係一分錢一分貨😆 超級爆鮮甜而且超多蟹膏😍😍😍😋

醬油蟹鮮甜多膏必叫之餘，都推介食花飯，即係蟹膏拌飯😋 圖中醬油蟹左上角果個就係蟹膏，將佢倒落拌飯到一齊食真係極度滋味😍 價格係就係高左D，但好味既話咪豪食下囉😀 去旅行唔豪食等幾時，哈哈。 同埋佢d前菜超多，仲有一碗大醬湯😊 逐款試都有排試😋👍🏻

 -

價錢：醬油蟹 50000won ；花飯 30000won
好味指數：❤❤️❤️❤️❤️（5❤為最高）
抵食指數：❤❤️❤️❤（5❤為最高）

前往方法：安國站 1 號出口，沿著德成女子高中旁的路直直走，餐廳位於善宰藝術中心斜對面

【首爾美食】A Twosome Place@韓國

A Twosome Place@韓國

-


食過最好食既tiramisu都係韓國連鎖coffee shop-twosome place既出品🍰 蛋糕超級濕潤，咖啡味同蛋香味道同樣濃郁😍😋 cream cheese亦都好輕盈，食完都唔會話特別飽濟👍🏻 高質！後面果杯strawberry latte🍓係係韓國士多啤梨當造既時候飲架，士多啤梨味道夠fresh，又酸酸甜甜好開胃😚 之前成日都飲架！ 好掛住～😢 去twosome place一路做assignment一路飲好野食靚cake真係好悠閒好舒服好正😢🍃 效率都快兩倍😆
-

價錢：tiramisu 5600won ；strawberry latte 5300won
好味指數：❤❤️❤️❤️❤️（5❤為最高）
抵食指數：❤❤️❤️❤（5❤為最高）

【首爾美食】Florte Flower Cafe@首爾弘大

Florte Flower Cafe@首爾弘大
-



弘大人氣好高既花花cafe🌺 原因係環境好靚😍 而且勁多道具俾人影相，仲可以帶埋花環添😂 果日去店內8成都係香港人唔知咩事😅 不過d野食就.... 睇得唔食得😑 d野飲都算好勉強地過得去，但圖中呢件tiramisu真係一個大伏🙈 難食到唔知點形容😞 完全食唔到平時tiramisu應該食到既味，怪到一個點🙄 想影相既話可以過黎，但想食好野既話真係千祈唔好黎😂😂
-

價錢：5000won
好味指數：❤（5❤為最高）
抵食指數：❤（5❤為最高）