【香港伴手禮好選擇】提早收到的聖誕禮物@甜藝家Sweet Boutique de Tony Wong

一向愛吃Tony Wong的蛋糕，想不到最近和姊妹吃飯，竟然提早收到聖誕禮物－－甜藝家Sweet Boutique de Tony Wong的禮盒，實在太驚喜太感謝了！

雜錦曲奇禮盒色彩繽紛，賣相吸引，一盒有71塊，份量十足，內裡有9種不同的口味，包括: 朱古力蛋白丶雲尼拿脆米丶黑金芝麻丶抹茶朱古力丶士多啤梨朱古力丶海鹽朱古力丶棋盤曲奇丶紅莓乾曲奇和熱情果果占曲奇，最適合我這個樣樣都想試的人。

每款都試了試，手工曲奇口感鬆化，不會太硬實。用料方面亦很講究，採用法國牛油丶法國果茸及有機麵粉，而且強調低糖製作，吃起來不會牛油味太重，感覺太邪惡，比較健康。朱古力蛋白脆餅則口感特別，入口化開，朱古力味香甜濃郁。如果像我一樣是抹茶愛好者，這兒的抹茶朱古力曲奇同樣不會令你失望，宇治抹茶的味道濃郁幽香帶少少回甘，有驚喜。有幾款曲奇上還有食用花和金箔去裝飾點綴，造型精緻，差點美到不捨得吃掉呢！

姊妹還另外送了我一盒雜錦朱古力脆米球，用水晶球裝著，包裝簡約得體，充滿夢幻氣息，很喜歡！一盒有3種口味的脆米球，包括：黑朱古力伊予柑，白朱古力柚子皮和牛奶朱古力紅桑莓，三款都味道突出，未看到名稱都已經估到香橙味，柚子味和紅桑莓味！很有驚喜！每粒脆米球都灑上閃粉，賣相討喜又華麗！

－－－
甜藝家Sweet Boutique de Tony Wong
尖沙咀河內道18號K11購物藝術館B1樓B122A店舖
九龍城侯王道20號地舖
－－－

更多美食介紹可去:

Instagram  Facebook Blogspot  Ublog  BE  She  GetReadyHongKong theZtyle style-tips

Email: tung42329@gmail.com

✿ 歡迎邀稿│合作試用│出席活動 ✿

豐富浜燒餐@秋田浜燒食堂

很久沒有吃浜燒了，就趁著星期五晚來一頓豐富的浜燒晚餐慰勞下自己吧！

其實我一向聽過秋田鐵板燒的大名，但從不知道有浜燒，都是同事介紹才知道，想不到質素同樣很高呢！

店舖裝潢充滿日式居酒屋風味，很有氣氛。

我們點了一個二人北海漁港餐

在等候的期間，店員殷勤地告訴我們餐廳有推廣，只要like Facebook就可以免費一手取蝦活動，這麼容易當然不要錯過。我派出男友應戰，他取了10隻蝦，每隻蝦都非常大隻，絕不欺場！

我們只選了2隻做浜燒，其餘都留作刺身。我覺得刺身比較好食，口感滑溜彈牙，用料新鮮。浜燒的大蝦則蝦味較重。

之後就上前菜，河豚魚乾不會燒得太乾，入口軟熟，配上甜甜的沙律醬，好吃！

清酒昆布大蜆煮的蜆肉大大隻，份量足，不要太多花巧，只用清酒昆布已經突顯鮮味。

接著就開始浜燒料理！

這麼新鮮的食材最怕浪費，每張枱都會有店員幫客人燒熟食物，我們只需專心品嚐就好，啱晒我這個大懶人，哈哈！

青森網鮑超級大隻，而且非常新鮮，因為上桌時鮑魚仍然是活生生的！雖然有點殘忍，但放上去活燒的確最有鮮味。鮑魚肉身比較厚，但店員仍然很有耐性慢慢燒，專業果然是專業，鮑魚肉質軟腍，不會過韌！

兵庫縣直送播磨蠔肉質嫩滑，外層邊位輕輕燒過更加帶有一點脆口，播磨蠔蠔味濃郁，超級滿足！店員聽到我表示想吃生蠔，表示套餐食材其實可以選擇改做刺身，不過既然煮熟了就不麻煩餐廳了！

九州松葉蟹是重頭戲，蟹用浜燒最能帶出原始的鮮味，蟹腳雖然不夠飽滿，但肉質細緻，仍然好好食！

厚燒紐西蘭羊架由廚房出，想不到這份羊架羊肉味頗重，完全是我倆杯茶！燒得juicy嫩滑，愛吃羊的可以一試！

甲羅燒每人一份，職員把絲絲蟹肉、蟹膏和鵪鶉蛋混合後一齊燒，蟹味突出，而且有粒粒蟹子增添口感。

吃完海鮮已經飽了7成，但上黑松露茸野菌燒時，我們還是秒清！一打開錫紙，已經聞到陣陣松露香！

鰻魚茶漬飯不過不失，如果鰻魚大塊一點就更好了。

最後甜品有抹茶雪糕，為這晚劃上完美的句號。

－－－

秋田浜燒食堂
尖沙咀諾士佛臺15號2樓
－－－

更多美食介紹可去:

Instagram  Facebook Blogspot  Ublog  BE  She  GetReadyHongKong theZtyle style-tips

Email: tung42329@gmail.com

✿ 歡迎邀稿│合作試用│出席活動 ✿

平民價嘆酒店下午茶@uptop bistro

呢排食咗幾個AFTERNOON TEA SET，

呢間位於珀薈酒店19樓嘅UPTOP BISTRO最近推出咗夏日北海道下午茶
價錢比較相宜，質素亦對得住價錢，賣相亦唔錯容易打卡。
夏日北海道下午茶以北海道富良野3.7牛乳整成鹹甜點各5款及飲品，唔少都頗有特色，盡見心思。

鹹點：

北海道牛奶蟹肉薯球

黑松露雞蛋沙律三文治

煙三文魚配黑魚子

明太子雞翼

大蝦菠蘿串燒

甜點：

北海道牛乳椰子球

北海道富良野3.7牛乳布丁

北海道富良野3.7牛乳炸鮮奶

牛奶朱古力芝士蛋糕

鬆餅配伯爵茶醬及北海道富良野3.7牛乳士多啤梨果醬

鹹點賣相精緻，最鐘意食煙三文魚配黑魚子，煙三文魚厚切肥美，包住粒粒黑魚子，口感有層次！黑松露雞蛋沙律三文治食落充滿黑松露香，不過如果雞蛋沙律改為牛乳炒蛋就更好啦！明太子雞翼皮脆肉嫩，入面塞滿鹹鮮茄明太子，同樣好食。大蝦菠蘿串燒就較為普通，驚喜不大。北海道牛奶蟹肉薯球炸得香口，入面係流心嘅牛奶薯球，外脆內軟，奶香十足，不過就完全食唔到蟹肉。

下午茶重點當然係鬆餅，呢度嘅鬆餅雖然牛油香一般，但兩款果醬大大加分。特別係伯爵茶醬，伯爵茶味香醇，甜而不膩，同熱辣辣嘅鬆餅味道好夾。士多啤梨果醬創新低加入北海道富良野3.7牛乳，果香依然，但味道更豐富，都唔錯。

甜品方面，牛乳布丁最得我心，質感香滑，用上3.7牛乳奶味特別濃郁。牛奶朱古力芝士蛋糕可能因為加咗牛奶又加咗朱古力，所以甜度稍高。炸鮮奶幾特別。牛乳椰子球如果減低甜度會更好。

加$32點咗一杯士多啤梨牛油果奶昔特飲，奶昔用北海道富良野3.7牛乳，奶香十足，入口幼滑，同時士多啤梨及牛油果味都好平衡，味道天然唔人工，凍冰冰好解渴。

－－－

更多美食介紹可去:

Instagram  Facebook Blogspot  Ublog  BE  She  GetReadyHongKong theZtyle style-tips

Email: tung42329@gmail.com

✿ 歡迎邀稿│合作試用│出席活動 ✿

體驗香港新五星級瑰麗酒店下午茶The butterfly room, Rosewood Hong Kong

想食好耐嘅Rosewood下午茶，謝謝妹妹早咗一個月訂位同我慶祝生日！

同一般酒店下午茶唔同，呢度分五個 courses：Savory canapes、Elegant surprise、Freshly Baked Scone、Pastry Trolley以及Confectionery Trolley朱古力（$720/2位，3位份量需另加$380)。

另外每人都包一杯飲品。

鹹點樣樣都好精緻，我最鍾意食紅菜頭鵝肝珍寶珠，外面甜酸，入面是軟滑香濃嘅鵝肝醬！煙三文魚魚子卷非常餡鮮，我本人都幾鐘意食中式叉燒酥，個皮做得好鬆化，不過松露蛋撻個皮就偏腍，口感一般。
值得一提嘅係，因為酒店想擺碟靚D，所以我哋3位都會照上4人咸點份量，即刻覺得好抵，哈哈！

Elegant surprise隔一段時間就會轉，今次係七彩蔬菜三文治，味道豐富，配上sour cream，都幾清新。

第三道 Scone每人有一個，有原味同提子味兩款。
開頭職員送漏咗一個scone略為扣分，如果可以問埋我哋想要邊款會比較好。
Scones質素還好，唔會焗到過乾，但始終無文華東方咁重牛油香，果醬甜度稍高，clotted cream亦唔夠軟滑奶香。

反而Madeleine 就可有水準，外脆內軟，入口仍然係微暖，一粒一啖，好食！

之後就係甜品車啦！
職員會推車逐一介紹，每人可以揀兩款，如果仲有想試嘅，之後都可以refill。

每款都好吸引，我哋3個人屬性點齊6款蛋糕share，最推薦覆盆子撻，酸甜有致，撻皮夠脆！杏桃撻都果香十足，質感濕潤。Cupcake我本身一般般，估唔到都ok，蛋糕濕潤，忌廉香滑之餘又唔會太甜。反而開心果Eclairs就太甜，唔太建議。

最後嘅Chocolate Trolley真係非常邪惡！
原先都想樣樣試下，但實在眼闊肚窄，只係食咗黑森林蛋糕、Butterfly kiss及手工朱古力。

黑森林蛋糕好出色，奶油綿密香滑，蛋糕濕潤帶酒香，我竟然忍唔住食咗大半件！反而招牌Butterfly Kiss內裡夾住棉花糖及果醬，食起來就比較甜漏，唔係我杯茶。

整體嚟講，而Rosewood嘅名氣，食下午茶可以食到咁飽，我覺得都抵，哈哈。