【4個steps擁有水潤肌】CNP Laboratory Perfection Energy Kit

最近女孩試用了CNP Laboratory Perfection Energy Kit， 一次過試齊CNP 五款皇牌，
全部產品都非常好用，忍不住立即跟大家分享！

CNP Laboratory 是韓國NO.1 醫學護膚專家，Perfection Energy Kit包括Invisible Peeling booster(50ml)、蜂膠保濕導入噴霧(50ml)、兩支導入精華(5ml)及保濕舒緩凝霜（10ml)

先講下支保濕噴霧，有特製噴頭霧化效果好好，噴在面上唔會有水珠，所以即使上妝後噴都唔會影響妝容。
因為係水霧形式，每次噴，皮膚都能即時吸收，達到保濕、舒緩、降紅的功效，大愛！
而家我嘅手袋入面一定會放一支！
返工在冷氣房可以隨時攞出來噴一噴！

至於隻Invisible peeling booster 亦是我近期新寵，
佢係一支溫和去角質既肌底液，
我自己係敏感暗瘡肌，有磨沙嗰啲從來唔用，但係要過水嗰啲有時又懶得用，
呢隻peeling booster就啱晒我！
質感好親膚，透明水狀，唔會刺激皮膚，而且用完唔會推到有皮屑，亦唔洗沖洗就可以繼續護膚步驟，好方便！

用完peeling booster再用導入精華會更吸收。
Propolis Energy Ampule 同埋Mugener Ampule兩款導入精華都好保濕

如果極度乾燥，我會用Propolis Energy Ampule ，有蜂膠成份，保濕滋養，仲可以提升皮膚免疫力！

如果有時敏感泛紅，我就覺得用Mugener Ampule會合適d，入面嘅蝸牛成份有修復嘅功效。

最後當然要鎖水。
保濕舒緩凝霜Aqua Soothing-Gel Cream質感好清爽水潤，可以做night mask都得，
質感我覺得都幾啱而家嘅天氣用，唔會好焗。

每日4個步驟就可以令皮膚水潤透亮，好簡單！

－－－
參考資料：
website：http://www.cnpcosmetics.com.hk/
facebook：https://www.facebook.com/CNPLaboratoryHongKong/

  ✿產品由品牌提供，但本文章所發表的內容純屬個人意見及分享。因此，如需協助或希望獲得更多有關產品資訊，請直接聯絡品牌查詢或∕和尋求相關專業意見。如從而引起任何損失或法律糾紛，本人概不負責。 ✿

Instagram  Facebook Blogspot  Ublog  BE  She  GetReadyHongKong theZtyle itrial style-tips

Email: tung42329@gmail.com

✿ 歡迎邀稿│合作試用│出席活動 ✿

【敏感肌適用+智能調色+防曬功能】Klairs透亮保濕BB Cream

女孩係敏感肌，所以用仼何產品都會小心睇成分！
最近試用嘅呢支Klairs ILLUMINATING SUPPLE BLEMISH CREAM（透亮保濕BB Cream，$180）攞好多beauty award

原來klairs呢個牌子旗下所有產品好岩敏感肌，成份溫和唔複雜
而呢隻BB Cream可因應不同膚色智能調色，我淨係薄薄塗一層已經遮到細紋同泛紅，亦唔會過白！
我自己最鍾意偽素顏，用完呢支BB Cream真係望落膚色健康自然咗，好開心

最重要係呢隻BB Cream嘅質感好透薄，令到個妝好自然同貼服，
如有明顯瑕疵嘅都可以逐層搽去提高遮瑕效果 ！

BB Cream仲有透明質酸、維他命B3及蘆薈葉提取物，不過我自己通常都會喺妝前做好保濕工作，咁就一定唔會浮粉亦唔會泛油！
支BB Cream本身仲有SPF40防曬功能，夠晒方便。

Klairs 全部產品都可以去Wishh! 門市買～

－－－
參考資料：
website：http://www.wishh.com.hk/html/shop_list.htm
facebook：https://www.facebook.com/klairshk/
                   https://www.facebook.com/WishhBeauty/

  ✿產品由Wishh!提供，但本文章所發表的內容純屬個人意見及分享。因此，如需協助或希望獲得更多有關產品資訊，請直接聯絡Wishh!查詢或∕和尋求相關專業意見。如從而引起任何損失或法律糾紛，本人概不負責。 ✿

Instagram  Facebook Blogspot  Ublog  BE  She  GetReadyHongKong theZtyle itrial style-tips

Email: tung42329@gmail.com

✿ 歡迎邀稿│合作試用│出席活動 ✿

在古董雨傘店來一場逃離@Foxglove

如非刻意拜訪，單看門面，一定會以為這只是一家英式古董雨傘店，誰會想到，雨傘店內有乾坤，foxglove正是隱藏在背後的一間英式Jazz Bar！

走進通道，跟「雨傘店店員 」說你的訂座名字密令，店員就會抽起雨傘筒內其中有機關的一把雨傘，然後牆身就會緩緩打開，猶如電影特務一樣。

走進餐廳又有另一感覺，你會發覺自己置身於一個華麗又神秘的地下室，灰色的大理石吧檯，以及高級質感的皮革梳化椅，精緻華麗，衣香鬢影，感覺返回五六十年代的英國上流社會的地下酒吧。

Peruvian Ceviche 
Ceviche是秘魯名菜，但這兒的出品頗有日式fusion感覺。用上柔軟鮮味的吞拿魚以及北海道帶子刺身，加入軟滑的牛油果以及晶瑩通透的石榴增加口感，配上酸酸甜甜的柚子醬汁，是十分開胃清新的一道前菜。

Pesto Tiger Prawn Gemelli /Braised Beef Cheek
虎蝦不算大隻，但絕對新鮮彈牙，而Gemelli螺絲粉柔韌度恰好，用上我自己十分喜歡的香草醬，香氣撲鼻，惹味極了。而牛面頰亦頗有水準，炆得軟腍鬆化，而且保留肉汁不會太乾身。墊在底下的薯蓉香滑之餘亦飽肚。

Chocolate & Raspberry Tart / Green Tea & Sesame Tart
想不到這兒的甜品亦令人難忘，店員早已細心地把甜品切開分給我們，先試試朱古力紅桑子撻。朱古力用上優質朱古力品牌valrhona，味道濃郁帶可可苦澀，細嚐又能吃到紅桑子醬，甜酸交錯，完全不覺甜漏。綠茶配芝麻亦是有驚喜的配搭，口感細滑，而且兩者亦平衡得宜。

餐廳有一部分是酒吧，是晚Friday night，我們都想放鬆一下，服務員推薦了兩款比較受歡迎的cocktails給我們。
New York Sour
賣相特別，酒精輕盈，很容易入口，加上面頭的蛋白泡泡，令到口感很有層次。

Jasmine Paloma 
用上龍舌蘭、西柚汁、茉莉花、青檸汁，還有黏在杯邊的鹽，一口能嚐盡香甜鹹酸，味道過癮又刺激。 

餐廳幾乎每晚都有爵士歌手駐場表演，當晚亦不例外。大概9pm，餐廳就會調暗燈光，舞台燈光亮起，表演者表演投入，美妙的歌聲令人聽得如癡如醉......令人忘卻一整天的煩惱、辛勞......

可惜夢總有完結的時候，再次來到雨傘店時，見到出面五光十色的中環，以及無休止的都市日常，心中竟不期然有一絲絲的落幕。

免費jurlique facial （7月限定）

我好鍾意玫瑰系列嘅skincare！
玫瑰清香令人好放鬆，而且鎮靜保濕好好。

 我呢個小師奶最近見到jurlique facebook有免費facial 服務，就book佐海港城facesss分店去試。

開頭其實冇咩期望，但點知又幾好喎，好認真。
有30min咁耐，仲要敷mask紙。

BA會根據皮膚狀況而揀番合適嘅產品去用，
可能我有泛紅問題，所以主要用佐玫瑰系列。
比較impressed 嘅係有隻保濕清潔面膜，用完真係白淨佐。
不過我冇買到，可能下次用完屋企嗰d會考慮。

值得一讚嘅係呢間分店嘅所有BA，特別係嗰日serve我嘅Cally服務超好又超細心
其實我覺得近年好多專櫃嘅sales服務都麻麻，
對內地同胞就好熱情，對香港人就答你多一句都嫌煩咁，
所以我要特登寫文表揚下佢，哈哈～
大家如果想試呢個facial都可以去jurlique Facebook 睇下，去到7月尾咋！

  ✿產品於facebook登記參加，本文章所發表的內容純屬個人意見及分享。因此，如需協助或希望獲得更多有關產品資訊，請直接聯絡Skin Laundry查詢或∕和尋求相關專業意見。如從而引起任何損失或法律糾紛，本人概不負責。 ✿

Instagram  Facebook Blogspot  Ublog  BE  She  GetReadyHongKong theZtyle itrial style-tips

Email: tung42329@gmail.com

✿ 歡迎邀稿│合作試用│出席活動 ✿

福岡五大人氣甜品の評論

1.蜂楽饅頭
博多阪急B2嘅超市就好似銅鑼灣SOGO嘅B2，吃貨必到。識揀梗係要揀d香港仲未進駐嘅，呢間福岡老店嘅蜂樂饅頭值得一試！其實即係類似車輪餅，不過餅皮就落佐國產嘅蜂蜜。

試齊黑白(紅豆同白鳳豆)兩種口味，兩款都好味。甜度適中，餅皮煙韌，紅豆豆沙軟綿得黎又食到粒粒口感；白鳳豆口味香港比較少見，不過都唔錯，味道清甜。每個冇記錯都係100yen咋，口痕食下岩曬。

PS. 岩田屋超市同福岡阪急都有舖！

 2. 果実工房 新Sun.

博多阪急B2超市嘅果実工房 新Sun，主打高級水果撻，我由day 1見到已經想食，但次次夜晚去到都售罄，因為勁多日本人買， 結果到差不多最後一日嘅下午，我地決定買佐先講。 揀佐宮崎芒果撻 以及 車厘子撻 ，兩款賣相都好吸引， 不過可能期望越大，失望越大，兩款嘅撻底都屬於厚實型，唔係酥脆嗰類，唔係我杯茶。水果特別係宮崎芒果亦冇甜到令人驚艷嘅程度，有d失望。

 3. Mon Cher 

一直覺得 Mon Cher堂島卷蛋好食，忌廉香濃而不膩，雖然香港都有分店，但來到日本當然要留意期間限定的口味。今次去就有期間限定的檸檬味！買佐半條黎試，檸檬味道突出得來好清香，味道清新，食落酸酸甜甜，一d都唔漏，正！

 
4. Café del SOL

黎日本一定要食pancake，揀佐呢間好多人話好食嘅 Cafe de Sol ，但都幾失望下。食過東京bills同北海道円山真係番唔到轉頭，會對pancakes好高要求。 呢間雖然比較大份同價錢較平（除佐caramel嗰款，其他唔過hkd100)，但完全冇蛋香，質感都未夠fluffy，點佐三款唔同都係靠各自嘅sauce帶味，但maple syrup又唔夠濃，芒果嗰款落嘅椰奶又好淡，比較好食係焦糖。

 

  飲品點佐honey banana milk，有d似香蕉奶昔，因為新鮮即整，所以都幾好飲，但質感比較稠，所以都幾飽濟，同埋飲管唔夠粗，飲得比較辛苦。 留意番，呢度每人最少一個order。

 5. Il Forno Del Mignon

其實....我對呢度嘅牛角包係極度失望。次次去博多站都見到有好多人排隊，諗住d貨去得快，點都唔會差啦，點知作為一間名店都真係幾唔得，我絕對懷疑係咪純粹因爲地理位置方便先咁多人買。牛角包原味欠牛油香，外層微焦乾身，食落完全冇外酥內軟，整體口感欠層次。我仲試佐朱古力味、almond同明太子味，都係唔ok。其實香港 Urban Bakery、LE SALON DE THE de Joel Robouchon 嘅岀品真係岀色太多。

 -------------------

 其他福岡遊記：

豐富的懷石料理@由布院山光園
由布院一泊二食推介－－山光園
海之中道海濱公園

 ------------------------------

更多福岡北九州美食介紹可去：

Instagram  Facebook Blogspot  Ublog  BE  She  GetReadyHongKong theZtyle itrial style-tips

Email: tung42329@gmail.com
✿ 歡迎邀稿│合作試用│出席活動 ✿