離開了登別，就出發去北海道三大景觀之一洞爺湖啦！
洞爺湖温泉又係好出名，可惜時間有限，只係留到一日，唯有重點去搭有珠山纜車。
登別去洞爺湖可以乘坐高速いぶり号巴士，但班次好疏。幸好我們入住嘅第一滝本門口就有巴士站，9am出發約75min就到達（1700yen）。
去到洞爺湖需要轉公車先去到有珠山纜車站，可惜去到已經錯過咗，印象中要等2hr先有下一班車！如果時間有限嘅無辦法都要搭的士去，但係我們當時竟然決定走路過去！
走路走了1小時多，但沿途意外發現咗好多靚景，兩個人傾下計又停下影下相，時間好快過。我特別鍾意嗰啲光禿禿嘅樹，好有feel 哈哈！不過其實我哋後來由有珠山纜車站搭返的士回洞爺湖站，只需5min，所以真係睇下自己有冇時間啦!
走路沿途見到嘅風景好靚，但係搭纜車喺山上嘅展望台望下來，風景又係另一個感覺
有雪景、樹林景、洞爺湖景、對面噴緊白煙嘅昭和新山火山景，好震撼！
展望台仲可以近距離睇到有珠火山口。
對於生活喺唔會落雪嘅香港嘅我們，有得玩雪兜亦係另一驚喜！
夜晚要返札幌，洞爺湖站有高速巴士 (豊浦しおさい前・洞爺湖温泉～中山峠～札幌)直達札幌，車程2.5小時（2780yen）。尾班車17:10，因為唔接受預約，所以記得早少少去到車站等呀。最後趕得切上到架巴士嗰刻先放下心頭大石！
－－－【更多北海道遊記】－－－
Email: tung42329@gmail.com
✿ 歡迎邀稿│合作試用│出席活動 ✿
沒有留言:
張貼留言