live music x 生態椰子雞鍋 @ 同仁四季音樂主題餐廳

天氣凍冰冰最岩打邊爐暖下胃，但又怕熱氣。朋友提議話中染新城開左間新音樂主題餐廳有出色的椰子煲雞後，暖笠笠之餘又滋潤於是決定一試。

雖然是新開張，但7pm左右已幾乎滿座，人氣爆燈！

主菜是生態原味椰子雞鍋，椰子湯和雞件分開上，鍋剛上枱時已聞到陣陣椰香，果然真材實料。侍應先將鍋加熱至沸騰，加入雞件和椰肉等配料，然後合上鍋蓋和倒轉沙漏計時。

先嚐一口湯，有鮮甜的椰子味同雞肉鮮味，非常配搭。

侍應說湯底是以椰清水為主配上新鮮椰肉，而雞肉不宜煮太久，沙漏一完約6min時趁熱食口感最佳。雞件比平常吃的精瘦，吃下去很有肉味而且肉質有咬口。餐廳提供了醬油作調味料，配以新鮮擠出的金桔汁，沙薑和辣椒，比光吃原味的雞件更能帶出鮮味。

叫得音樂主題餐廳當然唔少得樂隊表演。餐廳正中有表演舞台，在用膳其間有歌手於台上演唱，美食配上動聽的即場演出，一次過滿足到耳朵和味蕾。

吃完雞肉後可用湯底叫配料打邊爐。頂級手切安格斯肥牛絕對物超所值，手切牛厚薄得宜脂肪分佈平均，放到湯裹涮兩涮即可食，牛味濃郁而且分量亦不少。

手打生拆蟹皇丸和鮮蝦丸亦值得一讚。除了爽滑彈牙外更鮮味十足，而且咬落有蟹肉同蝦肉，絕無偷工減料。

蔬菜方面的選擇亦十分多，今次選了較少見的冰菜。蔬菜表面有如冰雹的結晶，睇落特別新鮮，食落卜卜脆，比平常吃到的其他蔬菜更加爽脆多汁。

總的來說，這間餐廳既有噱頭，食物配料又高質，服務亦佳，以後想食好味的椰子雞不用再長途跋涉返內地食了。


－－－
同仁四季音樂主題餐廳
荃灣青山公路388號8咪半（中染大廈）1樓106舖
－－－

更多美食介紹可去:

Instagram  Facebook Blogspot  Ublog  BE  She  GetReadyHongKong theZtyle itrial style-tips

Email: tung42329@gmail.com
✿ 歡迎邀稿│合作試用│出席活動 ✿