相機食先的女孩: 北海道札幌5間必食餐廳推介（上）

1. 蟹迷天堂～二条市場

札幌嘅二条市場就好似東京嘅築地市場吧！

冬天來北海道嘅一大福利，莫過於可以食蟹蟹蟹！

冇錯，就係北海道三大名蟹－－帝王蟹、松葉蟹、毛蟹！松葉蟹之前食咗，今次主攻帝王蟹+毛蟹，新鮮活捉，正到爆！唔使任何調味已經非常鮮甜，啖啖肉好好食。北海道嘅粟米依舊冇得輸，好甜好有粟米味！

二条市場有好多間賣蟹，大家可以先逛一圈，反正我哋揀咗呢間最近門口嘅北の台所札幌かに工房，無辦法，老闆太識拉客仲主動俾我哋同d蟹影相！

北海道二条市場北の台所札幌かに工房
札幌市中央區南3條東1～東2丁目

*********************************************************************************

2. 札幌羊肉老店～成吉思汗だるま

札幌羊肉好出名，其中一日嘅晚餐就係食燒羊肉！だるま係當地嘅老店，加上入面全部都係吧檯，座位唔多，所以又係要預少少時間排隊呢！

兩個人用一個爐，爐上面會鋪上洋蔥及大蔥（第一輪免費，之後要另加錢），店員再放上羊脂，等到羊脂稍稍溶化就可以開始燒烤啦！圓拱型嘅烤爐設計令到羊肉肉汁可以流到邊緣俾蔬菜吸收。羊肉用料新鮮，因為無預先調味，所以可以食到羊肉本身嘅肉味，完全無羶味，肉質鮮嫩juicy，不過我個人反而比較鍾意食羊肉獨有嘅羊羶味。

每碟一人分785円，份量唔係太多，印象中我哋每人食咗3碟肉仲要再出去食甜品。。。

成吉思汗だるま本店
地址：北海道札幌市中央区南五条西4 クリスタルビル1Ｆ

6.4店
地址：札幌市中央区南6条西4丁目仲通り野口ビル1F

4.4店
地址：札幌市中央区南4条西4丁目ラフィラ裏（旧ロビンソン）

4.4二階亭

地址：札幌市中央区南4条西4丁目 4.4店2階

PS. 我係去本店的，聽講另外分店會有其他特別部位既羊肉呢！

**********************************************************************************

3. 札幌必食～GARAKU湯咖哩

原先對湯咖哩不抱期望，點知原來湯咖哩係好好食架，去咗スープカレーGARAKU，點咗呢個『豬肉涮火鍋及七種蘑菇』（¥1296 ），材料健康又豐富，個湯汁仲有得揀唔同辣度，我揀左少辣，食落真係唔多辣，湯汁鮮甜又惹味，唔配飯就咁食都已經好好食。

另外仲點佐炸雞有驚喜，外脆內軟仲有肉汁，冇諗過連小食都咁高質，排隊等左1hr都值得。

Garaku
日本〒060-0063 Hokkaido, Sapporo, Chuo, Minami 2 Jonishi, ２丁目６−１おくむらビル

**************************************************************************************

4. 性價比高迴轉壽司～根室花丸根室花まる
每次去日本我都會食迴転壽司！呢間根室花丸唔多創作壽司，但勝在性價比高，壽司¥140-¥453不等，食好多都唔肉赤，冬天記得要食白子，鮮甜到不得了。海膽用上北海道產，creamy新鮮，而呢個價錢還算不錯，反而蟹腹、三文魚籽同玉子只係正常質素。2個人食左12碟壽司，埋單¥4000左右。我去Stellar Place店，繁忙時間，好多遊客及日本人，請預起碼30min排隊。。。