最近連續7天早晚試用咗NOVEXPERT Booster Serum with Vitamin C （C25 抗氧煥膚亮肌精華）（$490/ 30ml），已經有效果睇到，值得分享俾大家。
Booster Serum with Vitamin C 含 25%高濃度穩定型維他命 C 複合物，有以下特點：
1. 加速膠原蛋白合成，促進皮膚新陳代謝，加快色素淡化，亦都可以令皮膚更加緊緻有彈性，預防皺紋
2. 有專利抗老基因複合物Novaxyline®，減少細胞氧化達70%，降低細胞老化達52%，令肌膚保持年輕細胞的數量
3. 維他命 C 複合物同一般強酸性嘅維他命C並不相同，屬穩定型，所以會持續滲透皮膚底層釋放維他命C令效果更持久長效，而且都溫和好多
我自己本身未聽過NOVEXPERT 呢個牌子，敏感肌的我自然喺試用之前先做定功課。
原來NOVEXPERT 來自法國專業醫學美容品牌，產品全部都採用醫學低敏配方，而且產品不含防腐劑以及對羥基苯甲酸酯、乙二胺四乙酸(EDTA)、苯氧乙醇、矽氧機脂、聚乙二醇等化學物質，所以唔單止敏感肌用得，孕婦以及餵哺母乳期間都可以安全使用！
精華同包裝一樣都係橙色，聞落真係有啲香橙味道，好好聞。
質感好水嫩輕透，而且分子我覺得好細，因為我未推開，已經被皮膚吸收咗大半！（請看圖～）
用後完全沒有黏笠感，而且性質溫和，皮膚沒有出現任何敏感或不適。
我係典型黃皮膚，唔係天生白哲嗰種，下巴有明顯暗瘡印，使用前我係期望可以令色素淡化。
第一晚用完第二朝起身，即時嘅感覺係皮膚有光澤咗，去黃能力不錯。
根據指示，產品雖然有維他命C，但早晚使用效果更佳。見到第一晚咁快有效果，當然要勤力d keep住用！
經過7天試用，如果唔係影咗相都唔覺得分別咁明顯呢！
第一日嘅皮膚睇落無神又疲倦，暗淡無光，膚色非常暗啞（希望不要嚇怕大家><)，
但用足7日後，都係素顏但無咁可怕了>< 可以見到肌膚每日由內發出來的透明感，睇落精神咗，後生咗。
毛孔細緻度都提升咗。
同我期望唔同嘅係，下巴暗瘡印就未有明顯減退，我覺得NOVEXPERT呢支 Booster Serum唔係針對做美白，但係就係可以幫皮膚散發健康氣息，增添光采，長遠做到抗衰老。不過淡化色素都有可能要使用多一段時間先可以睇到效果啦。
雖然如此，我已經非常滿意產品。要知道，令皮膚散發真正自然光芒，呢樣嘢係連化妝都化唔到呢！
－－－
參考資料：
website：http://www.novexpert-lab.fr/fr/
facebook：https://www.facebook.com/novexperthk
✿產品為she.com贊助。本文章所發表的內容純屬個人意見及分享，並不代表該品牌的言論及立場。因此，如需協助或希望獲得更多有關產品資訊，請直接聯絡該品牌查詢或∕和尋求相關專業意見。如從而引起任何損失或法律糾紛，本人概不負責。 ✿
Email: tung42329@gmail.com
✿ 歡迎邀稿│合作試用│出席活動 ✿
沒有留言:
張貼留言