【深圳吃喝玩樂遊】喜茶以外的選擇

最近多了許多香港人假日北上覓食，除了必飲確係好飲嘅喜茶之外，其實深圳仲有好多好食嘅餐廳！

1. 來自青島嘅船歌魚水餃，真係勁好食！！

點佐鮁魚水餃（$26）、限定嘅薺菜扇貝水餃（$39）同三鮮蠣蝦水餃（$29），每款都皮薄餡靚，非常足料，配青島米醋及蒜泥，味道更加提鮮。最好食始終都係招牌魚水餃，超鮮，魚味好突出，冇諗過魚肉做餡可以咁好食！兩個人食曬36隻水餃冇難度！！ 

深圳有兩間分店：福田COCO Park店、萬象城店

－－－－－－－－－－－－－－－－－－－－－－－－－－－－－－－－－

2. 網紅飲品店小摘堂茶，最岀名炙燒系列

點了炙燒桂圓紅棗茶（¥19），幾好飲呀，芝士奶蓋炙燒後鹹香更加明顯，同一時間底層的桂圓紅棗茶香甜滋潤，味道配合，不過第一啖飲要小心燙口，好熱！

 另一杯炙燒岩紅（¥21）可選甜度，選了半糖。紅茶味很明顯，但還是覺得喜茶好喝一點。

地址：深圳福田區連城新天地負一樓C09號 (地鐵會展中心站)

－－－－－－－－－－－－－－－－－－－－－－－－－－－－－－－－－

3. 喜歡吃芋圓和仙草的可以試試芋貴圓

點了仙草4號（¥19），有仙草、珍珠、芋頭、花豆。仙草味道不夠突破，但好滑溜，而且材料滿滿的一碗，十分足料。紅豆香甜軟綿，芋頭都好粉，珍珠彈牙煙韌，整體不會太甜。

 芋圓三號（¥19）除了有主角芋圓，還有珍珠、地瓜和紅腰豆！甜度我覺得稍高，但芋圓和珍珠都幾Q彈有嚼口，加上紅腰豆，口感很有層次。

地址：中心路天虹商場君尚百貨1樓(木棉花餐廳後門旁)

－－－－－－－－－－－－－－－－－－－－－－－－－－－－－－－－－

4. 深圳網紅店太二酸菜魚有食過最好食既酸菜魚！ 隨時隨地都係咁多人係度排隊，高峰期要等兩個鐘... 但係真係值得！ 魚肉好滑好滑，而且去晒骨，食起上黎好方便， 酸菜既份量夠足，湯底麻麻酸酸，惹味又開胃，送飯真係無得彈！入面仲有D冬粉，煙韌有彈性！酸菜魚既辣度係set好晒既，雖然會越食越麻，但個人黎講係接受到，好過癮！圖中係2人份，其實都好多！

地址：深圳市福田區皇庭國商購物廣場L1層16-17號

－－－－－－－－－－－－－－－－－－－－－－－－－－－－－－－－－

5.木棉花開暫時應該不多香港人知道，裝潢超靚，打卡位很多，而且有不少特別菜式，味道好之餘每款擺碟又充滿藝術感。

必食櫻桃鵝肝（¥108），鵝肝用濃稠的紅酒汁上色再低溫固定，味道帶酸甜，減去鵝肝的膩，同時入口即溶，好正。阿妹話在上海食過，香港我好像未見過有呢。

茉莉煙燻蛋黃鴨卷（$72）
第二喜歡的菜式，一打開就見到煙飄岀來，不單止有視覺效果，鴨卷本身都好重茉莉煙燻香味!蛋黃與鴨胸配搭亦意想不到地match ，口感好有層次！

 玫瑰鹽火灼海螺（¥138）

又是另一視覺十足的菜色，海螺片鮮味濃郁，口感爽脆，份量也多。

地址：中心路君尚3019一楼
－－－
更多深圳美食介紹：
2間好食中國小眾菜系餐廳推薦－廣西菜+西北菜
【深圳吃喝玩樂遊】喜茶以外的選擇
深圳創意菜餐廳推介～「木棉花開」

更多美食介紹及遊記可去:
 Instagram  Facebook Blogspot  Ublog  BE  She  GetReadyHongKong theZtyle
Email: tung42329@gmail.com