2017年10月22日 星期日

【輕鬆排毒美顏祛水腫】美人蒸 古法薰蒸養生館

成日都好羨慕d韓妹皮膚水噹噹,除咗因為佢哋飲食清淡、空氣少污染外,汗蒸幕都係佢哋養生嘅秘密之一。
呢日放工就去咗荃灣美人蒸 뷰티찜 – 古法薰蒸養生館

美人蒸 引入咗呢個懶人運動,
配合唔同功效嘅古法藥包,只需40分鐘嘅薰蒸時間,
就可以達至排毒美顏、消脂瘦身、驅寒去濕、改善睡眠質素、舒緩經痛等功效
出完一身汗仲可以祛水腫,啱晒追求快靚正嘅香港人。

老闆娘先了解我有冇試過薰蒸、焗桑拿或者浸溫泉嘅經驗,
原來佢擔心客人未試過會接受唔到太高嘅溫度,所以想先了解客人可以接受嘅程度。
因為我自己好鍾意溫泉嘅溫度,但一般焗桑拿對我嚟講就太熱,
所以老闆娘話我起初嘅溫度唔會set到太高,之後等身體適應後先慢慢加熱。
其後如果唔夠熱或者睇過熱,都可以按鐘請職員調節。

老闆娘亦詳細地講解古法薰蒸前後需要注意的事項
糖尿病高血壓、懷孕中 、正值經期、對中藥敏感皮膚病或者有傷口等都唔適宜
老闆娘亦提醒我哋蒸後1-2小時都唔可以立即沖涼,以及要多飲水補充水分。


古法藥包有5款選擇,我揀咗排毒美顔』
準備換衫之時,經過呢間遊戲室,原來呢度有托兒服務添!
真係好貼心!啱晒一班媽媽可以真正放鬆!

洗完面、換好毛巾袍,職員就帶我入房
呢度每人都有一個獨立蒸箱,入到去就可以拉低件袍,等全身都可以蒸到,唔怕尷尬。
店舖亦有提供支裝水,方便隨時補充水分。蒸箱仲有兩個洞口俾人伸手出來,蒸薰嘅40分鐘入面,可以玩手機唔怕悶。我就好醒目咁自備保濕面膜兼享受美容覺,比自己皮膚一個放鬆嘅時間。真係要一讚職員嘅體貼,唔單止幫我敷面膜,仲喺10分鐘後主動入嚟幫我取下,皇帝式享受啊~~
我平時做運動都唔易出汗,估唔到今次舒舒服服坐低,竟然全身汗如雨下好療癒。過程中聞著中草藥香,令人放鬆

話咁快,40分鐘就過去啦。職員奉上自家製花茶,十分窩心。

薰蒸完皮膚毛孔擴張,亦係護膚品最吸收嘅時候。呢度有超多名牌面部同身體護膚品可以用,包括FanclL’OCCITANE等,連SK-II神仙水都有!


放工來到嘅時候,身體有如千斤重,但係薰蒸完身體輕盈咗,成個人輕鬆咗。美顏效果雖然未必一次見效,但係持之以恆,一定有效果見到!

收費如下:
---
參考資料:
美人蒸 뷰티 찜 - 古法薰蒸養生館
荃灣99廣場15樓04-05室

facebook:https://www.facebook.com/SteamBeauty/

  ✿療程由美人蒸 뷰티 찜提供,但本文章所發表的內容純屬個人意見及分享,並不代表 美人蒸 뷰티 찜的言論及立場。因此,如需協助或希望獲得更多有關產品資訊,請直接聯絡 美人蒸 뷰티 찜查詢或∕和尋求相關專業意見。如從而引起任何損失或法律糾紛,本人概不負責。 ✿


Email: tung42329@gmail.com
✿ 歡迎邀稿│合作試用│出席活動 ✿

沒有留言:

張貼留言

Related Posts Plugin for WordPress, Blogger...