元朗最好食嘅叉燒在此@鹵家

經過咗幾次鹵家都未試過，最近聽到網上介紹就過咗嚟試試，結果真係冇失望！呢間嘅鹵水燒味好有誠意，樣樣都好好食，極力推薦！

 

 

晚市套餐只係$58-$76，有餸，有飯，仲有住家老火湯

 

 

是日老火湯係蓮藕鱆魚花生眉豆湯，滋陰健脾，無落味精，飲得出真材實料！

 

 

 

 

我哋點咗一個海蜇燻蹄套餐，份量好多！

 

 

樣樣都想試嘅我哋點咗皇牌鴛鴦拼盤（$86），可以自選兩款肉類，包括：叉燒、豉油雞、燒鵝、鹵水鴨、鹽香雞等。
我哋揀咗叉燒同鹵水鴨，份量一樣非常足料！呢度嘅蜜汁叉燒好有水準，全部半肥瘦，外面燒得亮澤漂亮，邊位少少焦香，入口鬆化！
秘汁鹵家鴨好入味，我最欣賞個鹵水汁唔會太鹹，但如果醬汁嘅香料味道再突出少少就更好啦！

 

 

酒仙醉雞卷($45)係另一道呢度自創嘅菜式嘅小食，選用雞髀位置，肉質嫩滑，用雞皮卷住，食落帶有少少彈性。成個雞卷非常入味，酒香清醇，係繼叉燒外我另一超喜愛菜式！

 

 

脆皮炸乳鴿（$58)皮酥肉嫩，肉質唔會嚡口，有驚喜。

 

 

整體食物好有誠意，而且小店服務殷切有人情味，一定會再訪！

－－－

更多美食介紹可去:

Instagram  Facebook Blogspot  Ublog  BE  She  GetReadyHongKong theZtyle style-tips ESDlife