60元的大滿足@炊豕店 (銅鑼灣)

又係一間bookmark咗好耐嘅小店－－炊豕店！
小店人氣十足，6pm已經有條小人龍，大概等咗10min就有得入座啦！
如果7pm到，分分鐘要等30min以上呢！

 

豬扒飯有三款：肉燥汁豬扒飯、咖喱汁豬扒飯及蔥油豬扒飯。

 

試咗人氣推介嘅蔥油豬扒($60)

 

豬扒果然名不虛傳，超大塊，完全遮蓋整個碗！豬扒炸得金黃色，賣相討好，食落酥脆之餘亦保持肉汁，不會覺乾，豬扒肉質軟腍嫩滑，好食。我轉咗撈粗麵，麵條亦用料上乘，好有口感，食落彈性有嚼口，唯一係蔥油汁嘅蔥略嫌太生，稍為失色。

 

 

 

另一碗肉躁鹵蛋飯($52)亦有台式風味，魯肉肥瘦均勻，入口鬆化，鹵水都好入味。我特別鍾意呢度用珍珠米，飯粒帶黏性，拌著香噴噴嘅滷汁，好滿足！

 

 

價錢喺銅鑼灣區完全唔貴，但味道卻做出高水準，難怪開業而來一直保持人氣！

－－－

更多美食介紹可去:

Instagram  Facebook Blogspot  Ublog  BE  She  GetReadyHongKong theZtyle style-tips ESDlife