相機食先的女孩

2019年9月8日星期日

美妝網購平台Strawberrynet體驗～DeMon黃金蜂巢面膜用後感【含Strawberrynet優惠碼】

面膜不需要敷得多，最重要是面膜質素高。

最近打完彩光，皮膚極度脆弱，每天都要敷面膜保濕保濕再保濕！

最近在美妝網購平台Strawberrynet選購的這款貴婦級面膜－DeMon全效黃金蜂王面膜深得我心！

DeMon這款全效黃金蜂王面膜甚至榮獲法國、日內瓦、日本、韓國、矽谷等國際發明展獎項！

每塊面膜都載有25ml精華，

成份有矜貴的燕窩萃取、專利冰花萃取、日本製造的黃金蜂巢、還魂草萃取、鑽金鳳梨酵素，全部成份都高效奢華，

可以滋潤、去皺、增加防禦力、長時間保濕、美白，特別適合我這些初老乾燥肌膚

為了令每滴精華都物盡其用，可以完全滲透落肌膚底層，

面膜特別採用黃金蜂巢設計，密集孔隙盛載更多精華液，不易流失！

面膜還有專利Lipobuty囊球包覆技術，幫助精華導入至肌底，並與細胞融合，確保每一滴矜貴的精華都不會被浪費。

面膜布有兩面，記得金黃色蜂巢面要向外！

面膜布以人體工學設計，非常貼面，每個細節位都兼顧到，貼貼服服。

敷的時候，感覺到精華比較水感，分子很小，很容易滲入到皮膚底層！

原先我的皮膚非常缺水泛紅，毛孔粗大，還有少少熱騰騰的感覺

敷完DeMon全效黃金蜂王面膜後，立即急救成功，舒緩到皮膚乾燥繃緊的情況。

皮膚大大降溫降紅，毛孔變細，肌膚亦變得飽滿亮澤！

使用水份測試機，亦見到面膜保濕力強，水油更加平衡，
原先皮膚彈性亦只是一般，但敷完面膜後皮膚彈性表現大大提升！

除了要做一個美魔女，還要做一個精明的消費者！

我的粉絲現在起至9月30日，只要使用優惠碼: “soberry1”在Strawberrynet 購物，即可獲 2支Crabtree & evelyn handcream，新客戶再享免運費！（香港客戶8折優惠，手機app落單額外95折優惠）

Strawberrynet這個美妝網購平台我自己都經常使用，
DeMon面膜之外，還有許多口碑極佳的化妝、護膚、香水、護髮產品等！
重點：Strawberrynet不時都會有特價！有時甚至低至3折！
每天還會有flash sales，精選部份產品減價 (Daily special)！
只要早上10:00下單，即日就能送貨，快靚正！

－－－

✿是次產品由品牌提供，但本文章所發表的內容純屬個人意見及分享，並不代表品牌的言論及立場。因此，如需協助或希望獲得更多有關產品資訊，請直接聯絡品牌查詢或∕和尋求相關專業意見。如從而引起任何損失或法律糾紛，本人概不負責。 ✿

Instagram Facebook Blogspot Ublog BE She GetReadyHongKong theZtyle itrial style-tips ESDlife

Email: tung42329@gmail.com

✿ 歡迎邀稿│合作試用│出席活動 ✿

2019年9月7日星期六

【一滴已蘊含天然活性爆水因子】韓國THANK YOU FARMER 水漾活氧保濕精華

香港嘅夏天真係好癲，閒閒地都三十幾度，

然後去到商場D冷氣又超勁，

室內室外嘅溫差衝擊，令到皮膚防禦能力降低，好容易缺水起乾紋。

想皮膚好，保濕係最基本但永遠係最重要。

我平時都會用兩隻精華，其中一款一定係保濕。

呢支來自韓國嘅THANK YOU FARMER 水漾活氧保濕精華（True Water Deep Serum）好啱依家呢個天氣用，功用好簡單，就係保濕。

一滴已蘊含天然活性爆水因子，

仲有獨特Skin-Fit Technology 技術，深層滲透至肌膚細胞核！

佢仲加添強效抗氧活肌因子，24小時補濕鎖水。

因為成份天然，所以敏感皮膚都可以放心使用呢。

精華質感好水好輕透，容易滲透

香港本身天氣較為潮濕，所以清爽嘅質感用落好舒服，完全唔會有黏笠嘅感覺。

皮膚飲飽水，其他皮膚問題例如乾紋、泛紅、敏感，自然無咁容易出現！

－－－

Instagram Facebook Blogspot Ublog BE She GetReadyHongKong theZtyle itrial style-tips ESDlife

Email: tung42329@gmail.com

✿ 歡迎邀稿│合作試用│出席活動 ✿

2019年9月1日星期日

平民價嘆酒店下午茶@uptop bistro

呢排食咗幾個AFTERNOON TEA SET，

呢間位於珀薈酒店19樓嘅UPTOP BISTRO最近推出咗夏日北海道下午茶
價錢比較相宜，質素亦對得住價錢，賣相亦唔錯容易打卡。
夏日北海道下午茶以北海道富良野3.7牛乳整成鹹甜點各5款及飲品，唔少都頗有特色，盡見心思。

鹹點：

北海道牛奶蟹肉薯球

黑松露雞蛋沙律三文治

煙三文魚配黑魚子

明太子雞翼

大蝦菠蘿串燒

甜點：

北海道牛乳椰子球

北海道富良野3.7牛乳布丁

北海道富良野3.7牛乳炸鮮奶

牛奶朱古力芝士蛋糕

鬆餅配伯爵茶醬及北海道富良野3.7牛乳士多啤梨果醬

鹹點賣相精緻，最鐘意食煙三文魚配黑魚子，煙三文魚厚切肥美，包住粒粒黑魚子，口感有層次！黑松露雞蛋沙律三文治食落充滿黑松露香，不過如果雞蛋沙律改為牛乳炒蛋就更好啦！明太子雞翼皮脆肉嫩，入面塞滿鹹鮮茄明太子，同樣好食。大蝦菠蘿串燒就較為普通，驚喜不大。北海道牛奶蟹肉薯球炸得香口，入面係流心嘅牛奶薯球，外脆內軟，奶香十足，不過就完全食唔到蟹肉。

下午茶重點當然係鬆餅，呢度嘅鬆餅雖然牛油香一般，但兩款果醬大大加分。特別係伯爵茶醬，伯爵茶味香醇，甜而不膩，同熱辣辣嘅鬆餅味道好夾。士多啤梨果醬創新低加入北海道富良野3.7牛乳，果香依然，但味道更豐富，都唔錯。

甜品方面，牛乳布丁最得我心，質感香滑，用上3.7牛乳奶味特別濃郁。牛奶朱古力芝士蛋糕可能因為加咗牛奶又加咗朱古力，所以甜度稍高。炸鮮奶幾特別。牛乳椰子球如果減低甜度會更好。

加$32點咗一杯士多啤梨牛油果奶昔特飲，奶昔用北海道富良野3.7牛乳，奶香十足，入口幼滑，同時士多啤梨及牛油果味都好平衡，味道天然唔人工，凍冰冰好解渴。

－－－

更多美食介紹可去:

Instagram Facebook Blogspot Ublog BE She GetReadyHongKong theZtyle style-tips

Email: tung42329@gmail.com

✿ 歡迎邀稿│合作試用│出席活動 ✿

體驗香港新五星級瑰麗酒店下午茶The butterfly room, Rosewood Hong Kong

想食好耐嘅Rosewood下午茶，謝謝妹妹早咗一個月訂位同我慶祝生日！

同一般酒店下午茶唔同，呢度分五個 courses：Savory canapes、Elegant surprise、Freshly Baked Scone、Pastry Trolley以及Confectionery Trolley朱古力（$720/2位，3位份量需另加$380)。

另外每人都包一杯飲品。

鹹點樣樣都好精緻，我最鍾意食紅菜頭鵝肝珍寶珠，外面甜酸，入面是軟滑香濃嘅鵝肝醬！煙三文魚魚子卷非常餡鮮，我本人都幾鐘意食中式叉燒酥，個皮做得好鬆化，不過松露蛋撻個皮就偏腍，口感一般。
值得一提嘅係，因為酒店想擺碟靚D，所以我哋3位都會照上4人咸點份量，即刻覺得好抵，哈哈！

Elegant surprise隔一段時間就會轉，今次係七彩蔬菜三文治，味道豐富，配上sour cream，都幾清新。

第三道 Scone每人有一個，有原味同提子味兩款。
開頭職員送漏咗一個scone略為扣分，如果可以問埋我哋想要邊款會比較好。
Scones質素還好，唔會焗到過乾，但始終無文華東方咁重牛油香，果醬甜度稍高，clotted cream亦唔夠軟滑奶香。

反而Madeleine 就可有水準，外脆內軟，入口仍然係微暖，一粒一啖，好食！

之後就係甜品車啦！
職員會推車逐一介紹，每人可以揀兩款，如果仲有想試嘅，之後都可以refill。

每款都好吸引，我哋3個人屬性點齊6款蛋糕share，最推薦覆盆子撻，酸甜有致，撻皮夠脆！杏桃撻都果香十足，質感濕潤。Cupcake我本身一般般，估唔到都ok，蛋糕濕潤，忌廉香滑之餘又唔會太甜。反而開心果Eclairs就太甜，唔太建議。

最後嘅Chocolate Trolley真係非常邪惡！
原先都想樣樣試下，但實在眼闊肚窄，只係食咗黑森林蛋糕、Butterfly kiss及手工朱古力。

黑森林蛋糕好出色，奶油綿密香滑，蛋糕濕潤帶酒香，我竟然忍唔住食咗大半件！反而招牌Butterfly Kiss內裡夾住棉花糖及果醬，食起來就比較甜漏，唔係我杯茶。

整體嚟講，而Rosewood嘅名氣，食下午茶可以食到咁飽，我覺得都抵，哈哈。

Lifetrons 高效超聲波去角質潔膚儀【含9折優惠碼】

生日禮物系列～
想要一部美容機好耐，千挑萬選，入手咗呢部Lifetrons 高效超聲波去角質潔膚儀！
我見有時做facial都係用呢一類鏟刀片超聲波機，
但Lifetrons係瑞士著名家用美容儀品牌，採用經美國FDA認證嘅瑞士醫學美容技術，確保安全有效，比到我信心！

事實上，呢幾個月，女孩因為忙搞結婚，所以真係抽唔到咁多時間去美容院做facial，呢部Lifetrons 高效超聲波去角質潔膚儀真係幫咗我好多手！
呢部機集深層清潔（正離子超聲波）、保濕導入（負離子超聲波）及緊緻提拉（EMS微電流)於一身，
擁有超聲波、正離子、負離子和微電流EMS四大功能，
機身輕巧，即使帶去旅行都好方便。