呢幾年美容界成日出好多『針』，例如水光針、海藻矽針等，近排又有『嬰兒針』。
其實我本身呢類玫瑰痤瘡人士，聽到個『針』字真係有陰影，事關我曾經做過海藻矽針，做完成塊面勁敏感！自此都唔係好敢亂做！
sMTS 幹細胞嬰兒針並不需要注射，純粹將透明質酸、幹細胞精華點在臉上，
然後慢慢按摩開僻水分管道，繼而將透明質酸、EGF及幹細胞等成分滲入底層皮膚，為肌膚修復再生！
其實去到當日都仲係心大心細，
不過Lavish Beauty嘅美容師真係好有耐性，
每個步驟都同我解釋得好清楚，而且佢哋嘅經驗豐富，
話到比我知敏感肌嘅女仔反而更加適合，因為幹細胞嬰兒針嘅保濕及修復能力都好強！
而呢類醫療級產品，通常我都會留意美容院係咪真係會用晒整套原廠產品。Lavish Beauty可以令人放心，因為佢係由洗面、peeling到嬰兒針、精華導入以至面膜都係用sMTS產品架！
第一個步驟嘅sMTS泡泡洗面質感輕盈綿密，可以徹底深層清潔毛孔，性質溫和無刺感，
不過我眼皮實在太敏感啦，所以做完眼皮位置係有少少紅嘅。
不過敷咗一陣凍水已經紓緩咗好多。
之後美容師就點上嬰兒針再用上輕柔嘅手法替我按摩，
感覺只係搽精華咁，所以真係唔洗被個『針』字嚇親。
精華導入後，美容師叫我摸下塊面，皮膚已經飲飽水，十分水潤飽滿。
最後敷上sMTS補濕面膜，美容師甚至用保鮮紙包住面膜，令精華可以完完全全吸收落我塊面度，哈哈！
最後做完真係好滿意效果，皮膚白裡透紅，真係有種肌膚重生變返BB嘅感覺呢！
之後嗰幾日化妝都好貼面，最重要嘅係完全無創傷性，唔會甩皮。
呢個facial真心正，已經決定結婚Big Day前點都要再做多次！
－－－
Lavish Beauty
旺角地址: 旺角彌敦道611-613號飛達商業中心19樓
尖沙咀地址: 尖沙咀金馬倫道42-44號華懋金馬倫中心6樓全層
－－－
✿是次產品由品牌提供，但本文章所發表的內容純屬個人意見及分享，並不代表品牌的言論及立場。因此，如需協助或希望獲得更多有關產品資訊，請直接聯絡品牌查詢或∕和尋求相關專業意見。如從而引起任何損失或法律糾紛，本人概不負責。 ✿
沒有留言:
張貼留言